Մարտ 27, 2023
Պատուարժան անդամներ՝
Թէքէեան Մշակութային Միութեան
Գանատայի եւ Ամերիկայի Կեդրոնական Վարչութեան
 
Պէյրութի Վահան Թէքէեան վարժարանի Հոգաբարձութիւնը,
Տնօրէնութիւնը եւ Ուսուցչակազմը սրտի դառն կսկիծով իմացաւ ՌԱԿ-ի
եւ ԹՄՄի նուիրեալ ղեկավար՝ ԹՄՄ-ի Ամերիկայի եւ Գանատայի
Կեդրոնական վարչութեան բազմամեայ եւ բազմավաստակ ատենապետի՝
Ընկ. Երուանդ Ազատեանի անակնկալ մահուան տխուր լուրը:
 
Համբաւաւոր մտաւորական, հրապարակագիր եւ հրապարակախօս՝
Երուանդ Ազատեանի կորուստը մեծ եղաւ, ոչ միայն հայ մտաւորական
եւ ազգային հոյլին, այլեւ հայրենիքի եւ սփիւռքի ազգային-քաղաքական,
եկեղեցական եւ մշակութային բոլոր մակարդակներու վրայ:
 
Տասնամեակներ շարունակ անմնացորդ սիրով ստանձնեց եւ խիզախօրէն
ղեկավարեց ամենաբարձր պաշտօններ ՌԱԿ-ի, ԹՄՄ-ի եւ Վահան
Թէքէեան անունը կրող վարժարաններուն Լիբանանի եւ Հայրենիքի մէջ:
Փառք ու պատիւ իր բազմակշիռ վաստակին: Թող յաւէրժօրէն յիշուի անոր
անունն ու երկրային կեանքին մէջ անոր թողած երախտաւոր ու հարուստ
գործը, եւ արժանանայ Աստուածային ու երկնային յաւիտենական լոյսերու:

From left to right: Richard Manoogian, Yervant and Nora Azadian 

Յիշատակն արդարոյ օրհնութեամբ եղիցի:
 
Պէյրութի Վահան Թէքէեան Միջն. վարժարանի
Հոգաբարձութիւն, Տնօրէնութիւն եւ Ուսուցչակազմ