Հայերէնը մեզ կը միացնէ»

Արժանթինի Հանրապետութեան  Ճօն Քենետի Համալսարանի՝ «Հայաստան» ազատ ամպիոնի կրթական նախագիծ:

Իր յիսնամեակին առթիւ, Արժանթինի Հանրապետութեան Ճօն Քենետի համալսարանի «Հայաստան» ազատ ամպիոնի տնօրէնուհի՝ փրօֆեսորա Տիանա  Տէր Կարապետեան «Հայերէնը մեզ կը միացնէ» նախագծի մեկնարկով կը վերահաստատէ և կը վերարժեւորէ իր հիմնադրման նպատակները:

Հայերէնը տարածելու և հայախօսներու շրջանակը ընդլայնելու միտումով՝ «Հայերէնը մեզ կը միացնէ» -ն  մտադրած է մի քանի գործունէութիւններ:

Առաջին հերթին,  արևմտահայերէն  և  արևելահայերէն լեզուի առցանց դասընթացք՝ սկսելով նախնական մակարդակէն փրոֆեսօրա Ֆլորա Աքշեհիրլեանի հետ, շաբաթական երկու անգամ, պիտի սկսի Մարտին:

Երկրորդ, կը շարունակուի շաբաթական հայերէն լեզուով խօսակցութեան «Talk Time» ժամը, փրօֆեսօրա Սօսէ Հաճեանի հետ, կը սկսիՄարտ 10-ին:

Երրորդ, տարուան ընթացքին պիտի ըլլան յատուկ առցանց դասընթացքներ՝ հայկական մշակութային ինքնութեան վերաբերեալ, տարբեր նիւթերով. առաջինը՝ Զատկի տօնի նախօրեակին ` Սերխիօ Կնիազեանի «Հայկական Զատկի աւանդութիւններ» թեմայով. բաց է հանրութեան համար. շուտով կը ճշդուի  թուականը և ժամը:

Չորրորդ, անոնք որ կը փափաքին կատարելագործել և կիրառել հայոց լեզուն, յատուկ այցելութիւններ նախատեսուած են թանգարաններու, ցուցահանդէսներու, մշակութային վայրերու, և ՊուէնոսԱյրէս քաղաքի, կամ նահանգին պատմական հետաքրքրութիւն ներկայացնող վայրեր ` նկատի առնելով պարտադրուած «փրօթօքոլները» քօրօնա ժահրի համաճարակին պատճառով: Հանդիպումներ, որոնց հիմնական նպատակն է հայոց լեզուով երկխօսութիւնը, բառապաշարը հարստացնել և այլ հայախօսող ազգայիններու ծանօթացում:

Վերջապէս, «Հայերէնը մեզ կը միացնէ» առաջարկը, երկու-երեք օր տևողութեամբ խտացեալ սեմինարներու միջոցով, պիտի ներգրաւէ մեր երկրի տարբեր քաղաքներուն մէջ ապրող հայ համայնքներն ու խումբերը, որպէսզի հայերէնը գործածելու առիթ ունենաև եւ միաժամանակ ծանօթանան մեր երկրի զանազան գեղատեսիլ վայրերուն: Այս ձեւով  մենք շփում կ'ունենանք մեր լեզուով և կապեր կը հաստատենք ներքին գաւառներու հայ գործոն համայնքներուն հետ: Այս գործունէութիւնը եւս ենթակայ պիտի ըլլայ Առողջապահութեան նախարարութեան կողմէ  համաճարակի համար սահմանուած փրօթօքոլներուն: Վերջին երկու առաջարկները բաց են բոլոր հայերէն խօսողներուն համար, անկախ լեզուի մակարդակէն և ընկերակիցներով գալու կարելիութեամբ.  թուականներն ու վայրերը նախապէս կը յայտարարուին: Նախապէս պէտք է արձանգրուիլ:

«Հայերէնը մեզ կը միացնէ» կը հովանաւորեն Հայաստանի կրթութեան, գիտութեան, մշակոյթի և մարմնամարզութեան նախարարութիւնը, Արժանթինի Հանրապետութեան մօտ՝ Հայաստանի Հանրապետութեան դեսպանութիւնը, Արժանթինի Հանրապետութեան Հայ Կեդրոնը և Թէքէեան Մշակութային միութիւնը:

1971 թ.-ին ստեղծուած՝ տօքթորա Ռոզա Մախեանի կողմէ,  Ճօն Քենետի համալսարանի «Հայաստան» ազատ ամպիոնը նպատակ ունի տարածել հայ ժողովուրդի գիտութիւնը, արժէքներն ու մշակոյթը:

Փրօֆեսօրա Տիանա Տէր Կարապետեանի ղեկավարութեամբ՝ 2016 թուականին՝ եւ իր կատարած աշխատանքին շնորհիւ  եւ ԱրժանթինիՀանրապետութեան մօտ Հայաստանի Հանրապետութեան դեսպանութեան աջակցութեամբ, 2020 թ. Սեպտեմբերին, Քենետի համալսարանի եւ Հայաստանի ազգային փոլիթեքնիկական համալսարանի միջև կնքուեցաւ  Համագործակցութեան համաձայնագիր մը:

«Հայերէնը մեզ կը միացնէ»  նախագծով  «Հայաստան» ազատ ամպիոնը շեշտը կը դնէ հայոց լեզուի ուսուցման, տարածման, գործածութեան և շրջանառութեան վրայ, զայն կենդանի պահելու համար Հարաւային Ամերիկայիհայ  գաղութներուն մէջ` միաժամանակ զբաղելով հայկական մշակոյթին վերաբերող հարցերով:

Տեղեկութեանև արձանագրութեան համար, էլ-նամակ ուղարկել ddergarabetian@gmail.com էլեկտրոնային հասցէին կամ whatsapp- ով 54911-41409510 հեռաձայնի թիւերուն :