«Հայաստան» հիմնադրամը Գյումրիում 40 ընտանիքի համար բազմաբնակարան 2 շենք է կառուցում «Հայաստան» համահայկական հիմնադրամի «Մեր Գյումրի» ծրագրի շրջանակներում մեկնարկել է երկու բազմաբնակարան շենքերի և 50 երեխայի համար նախատեսված մանկապարտեզի կառուցման աշխատանքները:

 

Արդյունքում կլուծվի աղետի հետևանքով տնակներում ապրող շուրջ 40 ընտանիքի կացարանի խնդիրը, ովքեր նոր կյանք կսկսեն հարմարավետ ու կահավորված բնակարաններում:

 

Գյումրու քաղաքապետ Սամվել Բալասանյանը կարևորում է բնակարանաշինական այս ծրագրի իրականացումը, որը ևս մեկ քայլ է երկրաշարժի հետքերից իսպառ ձերբազատվելու համար: «Բարեգործական տարբեր ծրագրեր կան քաղաքում, բայց մեր ուղղվածությունն այն է, որ կարողանանք տնակների մեջ եղած մարդկանց տեղավորել հատուկ բնակարաններում:

 

«Հայաստան» հիմնադրամի կողմից շատ հետաքրքիր նախագիծ ներկայացվեց, որը և մենք հաստատեցինք: Ներկայում էլ շինարարական աշխատանքները հաջողությամբ ընթանում են»,- տեղեկացրեց Սամվել Բալասանյանը:

 

Շահառուների ընտրությունը կկատարվի հիմնականում սոցիալապես անապահով բնակիչներից` Գյումրու քաղաքապետարանի և Շիրակի մարզպետարանի հետ համագործակցությամբ։

 

համահայկական հիմնադրամի գործադիր տնօրեն Հայկակ Արշամյանը:

 

Բնակարաններն ու մանկապարտեզը սնուցվելու են արևային հոսանքով,Kորի շնորհիվ էապես կկրճատվեն շենքի բնակիչների էլեկտրաէներգիայի ծախսերը։ Տանիքներին արևային վահանակների տեղադրումը ևս կատարվելու է «Հայաստան» հիմնադրամի ծրագրերի

շրջանակում։

 

Կլուծվի նաև տարածքի բնակիչների զբաղվածության խնդիրը: Շենքերի ձեղնահարկերում կգործեն արվեստանոցներ, որտեղ տարբեր ոլորտի մասնագետները դասընթացներ կկազմակերպեն թաղամասի բնակիչների համար`նրանց տալով նոր մասնագիտություն ստանալու և աշխատելու հնարավորություն:

 

Նախատեսվում է բնակարանաշինական այս ծրագիրը  դարձնել շարունակական`աստիճանաբար ազատվելով տնակներից:

 

Հիշեցնենք, որ «Հայաստան» համահայկական հիմնադրամը 2012-2019 թթ. 45 բնակարան է հանձնել երկրաշարժի հետևանքով իրենց տունը կորցրած ընտանիքներին:

***